Poslovne vijesti - Makedonija

Кромберг и Шубертт утре и официјално започнува со работа

Фабриката на германската компанија "Кромберг и Шуберт" ќе биде свечено отворена утре во индустриската зона Жабени во Битола.

На свеченоста свое обраќање ќе имаат Ханс Ото Кромберг, сопственик на групацијата "Кромберг и Шуберт ГмбХ", премиерот Никола Груевски, министерот задолжен за странски инвестиции Веле Самак како и градоначалникот на Битола Владимир Талески.

Кромберг и Шубертт е германска семејна фирма во индустријата на автомобилски добавувачи која има успешна историја повеќе од еден век. Со над десетина илјади вработени низ цел свет фирмата развива и произведува високо технолошки производи, како кабли, кабловски инсталации, пластична технологија и мехатроника.